Наталья Васильевна поро шомакым Медведево район Знаменский поселкысо тӱвыра пӧрт пеленсе «Мур пеледыш» фольклор коллективын участницыже-влак лӱмеш ойлен. Кок коллектив шукертсек келшен илат, тӱрлӧ мероприятийыште пырля калыкым сылне марий муро да куштымаш дене куандарат. Пайрем шарнымаш кас семын эртен, кажныже ансамбльыш ушнымо корныж нерген щарналтен. А «Мур пеледыш» тений кеҥежым Крымыш «Алтын-майдан» тӱнямбал фестивальыште выступатлымыж нерген кумылын каласкален. Ветеран-влак рӱдерым вуйлатыше Наталья Васильевналан пайремыш ӱжмылан да порын эртарымылан тауштен ойленыт.