Тудо — коло утла пьесын, кум исторический романын («Чоткар», «Онар». «Мамич-Бердей») авторжо. Журналист семын паша корныжат кумда да волгыдо лийын. Библийысе книга-влакым марий йылмыш кусарыме сомылым шуктен.

Пагалыме Леонид Логинович!

Чапле лӱмгечыда дене шокшын-шокшын саламлена. Тендан илыш да паша корныда кызытсе тукымлан пример улеш, кугешнымаш кумылым луктеш. Ме Тыланда пеҥгыде тазалыкым, ласка илышым тыланена, ончыкыжымат марий сылнымутым у произведений дене пойдараш тӱҥалыда манын ӱшанена.

Республикысе марий тӱвыра рӱдерын коллективше.