Йошкар-Оласе «Весела сем» фольклор ансамбль дене пырля тӱрлӧ кундемысе марий калык сем почеш муралташ да тавалташ йӧн лиеш. Тыгак каныме касыш марий мурызо толеш, кызытеш лӱмжым огына ойло, тошто У ийым пайремлыме годым пален налына.

Тошто У ий идалык могай лиймым мужедме гоч пален налаш полша. Тиде йӧнымат касым вӱдышо-влак кучылтыт.

Тыгак «Марий кас» годым икмыняр акций эртаралтеш: шочмо кечым палемдыше да эн ончыч толшо ик еҥ туак пура, налме билет модалтеш.

Икманаш, каныш кечым пайдалын эртараш «Марий касыш» вашкыза!