5 февраль – Агафьян кечыже.

Ожно кресаньык-влак у шурно марте шапашым шотленыт. Ӱдымӧ материалым, курал-ӱдымӧ ӱзгарым тергеныт, амбарым, ларым эрыктеныт.

Эрдене киса кычкыра – пеҥгыде йӱштӧ толеш.

6 февраль – Оксинан кечыже.

Тиде кечын социальный манме пале лийын: киндылан ак кӱзен гын, у ийыште шурно лектыш начар лиеш. Тугаяк кодын гын, ончыкыжым сай шурным поген налаш ӱшан уло.

Оксинан кече шошын могай лийшашыже дене палдарен: кече мотор – шошым игече тыгаяк лиеш, поран ӱштеш – шошо вара толеш.

7 февраль – Григорийын (Кыргорийын) кечыже.

Шушаш ийысе телын могай лиймыжым шекланеныт: кечываллан могай кече лиеш, Шорыкйол марте тугай теле шога, а кечывал деч варасе кечын «кумылжо» телын вес пелыжын могай лиймыж нерген шижтара. Киса кычкыркала – лишыл жапыште поран лиеш.

 

8 февраль – Вӧдырын кечыже.

Колышо-влак лишылышт нерген ойгырат. Ужмо омым шарнен кодман.  Колышо-влак лишылыштын илышым вашталтен кертыт.

Йӱштӧ да кукшо игече шокшо август лийшаш нерген ойла.

 

9 февраль – Иоанн Златоустын кечыже.

Леве игечылан ӱшанаш огеш лий. Тӧрза «пӱжалтын» гын, леве шукылан толын огыл. Йыргешке лумора шурно сайын шочмо нерген палдара.

10 февраль – Епремын кечыже.

Тиде кечын суртышто улшо шукш-копшаҥгым от пытаре гын, суртводыжым сырыкташ лиеш.

Мардежан Епрем кече йӱран кеҥежым сӧра, идалык мучкыжат ночко, вӱдыжгӧ лиеш.