Мастаргудыш сылнымут корныш икымше ошкылым ыштыше ӱдыр-влак ушненыт. 2019 ий шорыкйол тылзын лекше «Ончыко» журналыште «Сылнымут мастаргудо» гыч кӱктен лукмо почеламут аршаш савыкталтын. Тудын озаже – Светлана Муртазина, Шернур районын Меке почиҥган ӱдыржӧ, Марий кугыжаныш университетым тунемын, школышто туныктен, йочасадлаште тыршен. Кызыт йочаж дене шинча.

Журналыште авторын «Кумылем», «Локама», Ача-авамлан», «Ӱжара», «Ит орлане», «Ит кычал», «Ковам дене пытартыш вашлиймаш» почеламутшо-влак савыкталтыныт.