Ӱярня арня эрта,
Кажне кеч эре мелна.
Шкежат улам чылт мелна:
Ӱян, мӱян да мӧртнян.
Ӱярня йор-йор, йор-йор!
Ой, йор-йор-йор, йор-йор-йор!
Ӱстембалне терке тич
Ӱян мелна пушлана.
Мыйын мотор юбкемжат
Ургыш воктеч ойырла.
Ӱярня йор-йор, йор-йор!
Ой, йор-йор-йор, йор-йор-йор»
Ӱярняште ӱян мелнам
Шер теммешкак кочкынам.
Ынде йолем чот тавалте,
Изиш коям пытар(ы)ман.
Ӱярня йор-йор, йор-йор!
Ой, йор-йор-йор, йор-йор-йор!
Михайлова Елена, Морко район, 7 «б» класс.
Тиде йӱштӧ — мо йӱштӧ,
Ӱярня йӱштӧ — вот йӱштӧ.
Тиде курык — мо курык.
Ӱярня курык — вот курык.
Ӱярня курык вует гыч
Тагына ден волышым.
Тагына ден волышым да
Шурно кужытым висышым.
Ой, Ӱярня, Ӱарня,
Мелна терке — суртоза.
Мелна терке — суртоза,
Тамлен ончаш пурыза.
Тендам, родо-шамычем,
Изин-кугун вучышым.
Изин-кугун вучышым,
Окнаш ончен шогышым.
Анисимова Юлия, Морко район, 6 класс.
Ӱяк-мӱяк илалаш,
Ӱян мелнам тамлыза.
Ончыкшым келшен илаш
Шоҥан пурам подылза.
Айста,ӱдыр-каче-влак,
Ӱарня курыкыш каена.
Икте-весе ден келшен,
Мунчалтена юарлен.
Ӱярня кашта – лоч-лоч,
Пеш торашке волгалтеш.
Пар ден пар ден мунчалташ,
Чевер ӱдыр кӱлалеш.
Кечывал шуэш, кечывал шуэш,
Мелна кочкаш жап шуэш.
Ӱдыр-каче, мужыр ден волыза,
Васильева Зарина, Морко район, 6 класс
Ой, Ӱярня, Ӱярня
Тые шуйнет ик арня,
Айста каена мунчалташ,
Веселан жапым эртараш.
Мелна кышылым налда мо?
Шергиндыжым налда мо?
Родо-тукымна дек кудалына,
Ӱарня пайремым эртараш.
Тау лийже Ӱарнялан
Мемнан деке толмыжлан.
Тау лийже родо-влаклан,
Мелна дене сийлымыштлан.
Ӱдыр-шамыч, ида мале,
Омо кӱпчык ида лий.
Памаш деке вашкыза,
Тамле вӱдым подылза.
Иванова Анастасия, Морко район, 6 класс.
Айста чылан йол курыкыш
Пытартыш гана мунчалташ.
Айста чылан йол курыкыш
Ӱярняжым ужаташ.
Кугарня гыч кугарняшке
Ӱярняже вет шуйна.
Кугарня гыч кугарняшке
Веселитлен илышна.
Ой, Ӱярня, Ӱярня,
Мелнам шуко кочкына.
Мелнам ятыр кочкына,
Ӱярнялан тау ыштена.
Мончаш меже пурышна.
У вургемым чийышна.
Ӱстел йырет чумырген,
Ӱярня пайремым тӱҥална.
Кудряшова Нина, Морко район, 7 «а» класс.
Тувыртыш кочкаш мийышна,
Озажлан таум ышташ:
— Ой, Шӱшпык Васли вате,
Тувыртышет пеш чесле.
Ой, каена, каена,
Чодырашке кож руаш.
Ой, каена, каена,
Ӱарня варам локшинчаш.
Изижат пеш она ул,
Кугужат она ул да
Марий калык улына,
Ӱарня пайремым пайремлаш,
Шордӱрышкӧ каена.
Александрова Эмилия, 6 класс.
