Концертым «Рекрутын мурыжо» дене «Чон оҥгыр» фольклор ансамбль тӱҥалын. Тудо сар тӱҥалме годымсо пагыт гыч пытартыш кечыже марте калыкын ойгыжым да куанжым муро гоч почын пуымо.

17 шагатлан «Марий касын» кеҥежымсе тургымжым почмо. Ятыр еҥже тушко марий вургемым чиен толын. Нуно ош йӱксыла койыныт, пайремлан ямым пуртеныт. Гармонист Анатолий Ермаковын шоктымыж почеш тӱрлӧ кундемласе мурсемышт почеш куштеныт.

Палемдыман, кажне каныме кас у мурызо-влакым почеш. Ты гана Валентина да Валентин Булыгинмытын у мурыштын премьерышт лийын. Мутшым Валентин Булыгин возен, семжым Геннадий Куклин келыштарен.

Кеҥеж пагатыште «Марий кас» тылзеш кок гана эртаралтеш. Черетан вашлиймаш 30 майыште лиеш. Советский район Ургакш поселкысо «Ӱжара» фольклор ансамбль уна семын толеш. Эртарыме вер – Чарла Кремль. 18 шагатлан тӱҥалеш. Пагален вучена!