Марий тӱвыра мероприятийым Йошкар-Оласе Тумер отышто Агавайрем почеш. Кумалтыш 9 шагатлан тӱҥалеш.

Эр гычак Чавайн бульварыште кидмастар-влак шке пашашт дене палдарат, келшыше ӱзгарыштым налаш лиеш.

Таҥошкылмаш Ленин лӱмеш тӱвыра полат гыч Ленин лӱмеш площадь марте эрта. Шкетан лӱмеш Марий театр ончылно официал саламлымаш лиеш. . Ял озанлыкын ончыл пашаеҥже-влакым, шошо агаште сеҥшыш лекше район ден озанлык-влакым саламлаш тӱҥалыт.

Вара пайрем Рӱдӧ паркыш кусна. Тыште «Кудо» конкурс-ончер, кок фольклор площадке пашам ышташ тӱҥалыт. Тушко район да марий-влак илыман регионла гыч толшо делегаций, фольклор коллектив, посна мурызо, мастар-влак ушнат. «Марий кас» кышкарыште гармоньчо-влакын, «Когыльо- могыльо» конкурс-влак, спорт таҥасымаш да модмаш эртаралтыт.

Кастене Ленин лӱмеш плошадьыште этнодискотеке лиеш, тыштак «Театр Mix» шагат годым марий театр-влакын артистышт-влак спектакльла гыч ужаш-влакым ончыктат.

Чарла Кремльыште эртыше «Пеледыш fest» пайрем икмыняр мероприятийым уша. Поснак кугу модыш алан йоча-влаклан почылтеш.

Чыладам Пеледыш пайремыш ӱжына!