Кажне еҥын илышыште той шыжын икымше кечыже поро шарнымашым ашна. Тиде татым угыч шарналташ этнодискотеке полша. Тушто тендам ныжыл марий муро, куштымаш, марий модыш-влак вучат. Этнодискотекым марий эстрадын мурызыжо-влак Светлана Яндукова, Вадим Краснов, Роза Искакова, Эльвира Петрова, Алексей Юнусов, Валерий, Геннадий Григорьев. Геннадий Куклин, Александр Мамаев, Ольга Якимова, Полина Савельева и Алена Мельникова сӧрастарат.

Марий Эл Республикын туныктыш да шанче министерствын, Марий кугыжаныш университетын пашаеҥже-влак пайремыш толшо-влакым саламлаш тӱҥалыт.

Этнодискотекыште Марий тӱвыра рӱдерын увертарыме « Салам, школ» поро кумылым ончыктышо акций иктешлалтеш. Кумылан-влак этнодискотеке эртыме жапыште тушко ушнен кертыт.

Пагалыме йолташ-влак! Алал кумылын чыладам пайрем кумылан мероприятийыш ӱжына да вучена!