Республикыште илыше кажне еҥ поро кумылым ончыктышо акцийыш ушнен кертеш. Тидлан шӱм-чон порылык дене волгалтшаш, неле илыш ситуацийыш логалше йоча-влакын пӱрымашышт воктеч йотъеҥла эртен кайыман огыл.

Канцеляр але школлан кӱлеш вес сатум Республикысе марий тӱвыра рӱдерыш кондаш йодына. Ӱшанена, йӧным муын, полыш кидым шуялтыше ятырак лийыт. Йочан куанже тӱняште эн шергакан!

Адресна тыгай: Йошкар-Ола, Первомайский урем, 109-ше пӧрт, 115 №-ан кабинет. 8(8362) 45-88-51 телефон дене лекше йодышым рашемдаш лиеш.