«Чон оҥгыр» фольклор ансамбльым да «У муро» вокал студийым Йошкар-Оласе калыкым социально обслуживатлыме комплексный рӱдерыш чӱчкыдын ӱжыт. Черетан вашлиймаш 4-ше идымыште эртыш. «У муро» вокал студийын мурызыжо-влак Геннадий Григорьев, Геннадий Куклин, Ольга Якимова, Валерий Чиванов шке да автор-влакын возымо мурышт дене палдареныт, семӱзгар дене шкеак шоктеныт. Марий Элын калык поэтше Геннадий Сабанцев-Ояр руш йылмыш кусарыме почеламутшо-влакым сылнын лудын. Кажне номерым ончышо-влак шокшын вашлийыныт. Рӱдер вуйлатыше М. Кожевникова «Ветеран» клубыш коштшо-влакым канышыштым пайдалын эртараш полшымылан «У муро» вокал студий вуйлатыше Г.В. Григорьевлан Тауштымашым кучыктен.