Конкурс школлаште тунемше-влак коклаште эртаралтеш. 10-12 да 13-14 ияш ӱдыр-рвезе-влакын пашашт посна ончалтеш. Кажне тӧнеж деч кум участник ушнен кертыт. Кажне тунемше деч ик паша налалтеш.

Конкурсыш ушнышо сочинений-эссем воза. Тудо творческий номерым ямдыла: почеламутым лудеш але мурым муралта, йолташыж дене пырля театральный постановкым ончыкта. Усталык паша туныктышылан пӧлеклалтше лийшаш. Выступатлыме жап 5-7 минут шуйнышаш.

Сочинений-эссе тыгай теме почеш возалтшаш:

 – «Икымше туныктышем» – туныктышо, йочасадыште тыршыше педагог-влак нерген;

 – «Йӧратыме туныктышем» – шочмо йылме, ИКН-ым туныктышо-влак нерген;

 – «Нуно тӱҥалтышыште шогеныт» –  школын, районын, республикын историеш возалтше туныктышо-влак нерген.

Конкурсыш паша-влак 30 сентябрь марте тыгай адрес дене колтыман: Йошкар-Ола, Первомайский ур., 109 пӧрт, Республикысе марий тӱвыра рӱдер, 115-ше кабинет. Электрон адрес: mari-centr@mail.ru. 8(8362) 45-88-51 телефон дене лекше йодышым рашемдаш лиеш.

Конкурсым иктешлыме мероприятий 3 октябрьыште В.Колумб лӱмеш республикысе йоча да самырык-влакын книгагудышто (Йошкар-Ола, Эшкинин урем, 10 пӧрт) эрта, 10 шагатлан тӱҥалеш.