Туныктыш акций изирак пайрем дене тӱҥале. Эн ончыч мутым Калыкле тӱвыра да тӱвыра кокласе коммуникаций институтын директоржо Родион Чузаев нале да акцийын кажне марийын шкешамжым нӧлталмаште кӱлещлыкшым палемдыш. Тыланымаш шомакым Марий Эл Республикын тӱвыра, печать да калык-влакын пашашт шотышто министрын алмаштышыже Галина Ширяева, Кугыжаныш погын депутат, Республикысе марий тӱвыра рӱдер вуйлатыше Наталья Пушкина, Туныктыш жа шанче министерствын тӱҥ специалистше Александр Илларионов акциыш ушнышо-влаклан сай кумылым да лектышым тыланеныт, шкештат диктанытм возымашке ушеныт.

Текстым МарГУ-н преподавательже-влак ямдыленыт да шкеак лудыныт. Тудо театр дене кылдалтше лийын. Возышо-влак кум тӱшкалан шелалтыныт: марий йылмым шочмо да кугыжаныш йылме семын тунемше-влак, тыгак курыкмарий йылмым палыше-влак.

«МАРЛА ЧЫН ВОЗЕНА» 7-ше тӱшкале диктантым эн сайын возышо-влакын лӱмыштым 10 декабрьыште Марий тиште кечым пайремлымаште пален налына. Пайрем Марий Эл Республикын мер-политик рӱдерыште 9 гыч 18 шагат марте эрта. Тушто пайрем кышкарыште  Марий тӱвыра форум эрта. Пагален вучена!