Марий кундемна ятыр геройым куштен. Кугу ачамланде сарыште героизмым ончыктымылан 53 салтак ден офицерлан Совет Союз Герой лӱмым пуымо.
Российын Геройжо лӱмым налше кум еҥым Марий Элна куштен. Эн ончыч тудым Юлсер кундемын эргыже Валерий Ивановлан пуымо. Тиде лӱмым самырык салтаклан (колымекыже) специальный заданийым шуктымо годым лӱддымыдыкым да героизмым ончыктымылан 2005 ий 1-ше телыште Россий Президентын Кӱштыкшӧ почеш пуымо. Тыгаяк лӱмым Марк Николаевич Евстюхин (колымекыже) (2000 ий) ден Владимир Ильич Шарпатовлан (1996 ий) пуымо.
Республикыште кок Геройым Волжский район Олыкъял куштен. Тиде _ Совет Союз Герой Зинон Филиппович Прохоров ден Российын Геройжо Валерий Вячеславович Иванов. Тыгай ял да талешкына-влак дене кузе от кугешне!
Шочмэлын геройжо-влакын кечыштлан пӧлеклалтше мероприятий-влак ола ден яллаште кушкын шогышо тукымым патриотизм шӱлышеш шуарыме шӱлыш дене эртат.
Герой-влаклан Чап лийже!
