Провой кундем гыч «Алан», Параньга район гыч «Поро кас» калык анамбль-влак, Советский поселко гыч «Кугезе кумыл», Морко район гыч «Унчо ӱжара», Медведево вел гыч «Мур пеледыш», Йошкар-Ола гыч «Чон оҥгыр», «Весела кумыл» фольклор коллектив-влак да Волжский район гыч «Юл сем» семӱзгар ансамбль пайремым сӧрастараш тӱҥалыт.

Марий эстрадын шӱдыржӧ-влак Эльвира Трифонова, Вадим Краснов, Александр Егошин, Ирина Якаева «Ӱярня» пайремыште тӱрлӧ вере илыше марий-влакын калык мурыштым йоҥгалтарат.

Пайрем шествий дене тӱҥалеш. В.П. Никонов площадь гыч С. Чавайн лӱмеш бульвар дене Рӱдӧ каныме парк марте фольклор коллектив-влак мурен-куштен эртат. Пайремыш толшо калыклан шокшо мелнам темлат, курык гыч ӱярнявара дене мунчалтымаш, калык модыш дене тӱшкан модмаш лийыт.

Тиде жапыштак Рӱдӧ каныме парк йоча-влаклан телым ужатыме, шошым вашлийме пайремым эртара.