Тудо Мишкан рӱдӧ библиотекын актовый залыштыже 10 шагатыште тӱҥалеш. Мероприятий «Мишкан — финн-угор тӱнян тӱвыра рӱдерже» проект кышкарыште эрта
Конференцийым Башкортостан Республикысе Калык-влак келшымаш пӧрт Марий Элысе «Ош кече» материальный огыл культур поянлыкым аралыше да вияҥдыше фонд да Пошкырт кундемысе марий юмыйӱла рӱдӧ ушем, Мишкан район администрацийын полшымыж дене эртара.
Мер пашаеҥ ден активист, верысе ден регионысо кучемлаште тыршыше, марий йылмым туныктышо да туныктыш пӧлкан пашаеҥже, марий онаеҥ (карт) да юмын еҥже, шанчызе, тӱвыра аланын пашаеҥже, усталык коллектив, СМИ-лаште тыршыше-влак конференцийын пашаш ушнен кертыт. Нуно «Марий юмыйўла»,«Марий йылме»; «Эрвел марий-влакын мер илышышт»; «Марий культура да йула» секцийлаште шке пашаштым луктыт.
Конференцийыште Россий Федерацийыште илыше марий-влак участвоватлен кертыт.
Конференцийыште участвоватлаш да тушто выступатлаш шонышо-влаклан докладын текстше дене лӱмнержым ончыктен, йодмашым oshkeche@mail.ru электрон адресыш ӱярнян 15 кечыже марте марте колтышаш улыт.
Конференцийыште лукмо паша-влак посна сборникеш савыкталтат.
