Тудын дене келшышын, вӱдшор тылзын 15 кечыже марте республикыште спорт, каныме да публичный мероприятий-влакым эртараш чарыме. Тыгак 50 еҥ деч шукырак еҥым ушышо туныктымо, тӱвыра да спорт сферылаште мероприятий-влакым жаплан эртараш чарыме.

Тидым шотыш налын, Республикысе марий тӱвыра рӱдер увертара:

 – Республикысе «Пеледше тукым» йоча усталык конкурсым эртарыме кечыже вашталтеш, вӱдшор тылзын 28 кечынже эратаралтеш. Жап да палемдыме вер конкурсын положенийже семынак кодыт: 10 шагат, Калыкле президент сымыктыш школ;

 – Марий кас вӱдшор тылзын 15 кечыже марте огеш эртаралт.