Пфопобеда.рф  сайтыште округын 14 регионжо гыч пурышо паша-влакым ужаш лиеш.

Открытке-влак кечын гаяк ешаралтыт. Тушко округышто илыше кажне еҥ ушнен кертеш. Тидлан кӱшнӧ палемдыме сайтын «Добавить открытку» разделыштыже заявкым ышташ да фотом але сӱретын сканжым шындаш кӱлеш. Могай пашам колташ лиеш? Сӱретым але коллажым, аппликацийым але компьютер графикым. Икманаш, пашам тӱрлӧ йӧн дене ышташ лиеш, тӱҥжӧ – калыкнан подвигше нерген тудо каласкалыже.