1 гыч 9 май марте «Сеҥымашын мурыжо» видеопроект республикысе лу утла мурызо дене артист-влакым ушен. Сар годсо да сар нерген муро-влак марий йылме дене йоҥгат. Проектым рӱдерын лукмо «Сеҥымашын мурыжо» книга сборник негызеш ыштыме. Почеламут-влакым рушла гыч лӱмлӧ марий поэт-влак кусареныт.

Прооектыште Марий Элын калык артистше Александр Егошин, сулло артистше-влак Вера Соболева, Нина Казашова ден Татьяна Денисова, О. Ипай лӱмеш Кугыжаныш премийын лауреатше Светлана Яндукова, артист-влак Иван Соловьев, Марина Воронцова, Алексей Юнусов, мурызо Валерий, марий бард Геннадий Григорьев, «Юкече» йоча ансамюльын солистше-влак Богдана ден Данил Коротковмыт участвоватлат.