Пагалыме Кугу Отечественный сарын да тылын участникше-влак!

Шергакан йолташ-шамыч!

75 ий ага тылзын 9 кечыже  –  тӱнямбалне илыше кажне айдемылан пиалым да вуй ӱмбалне волгыдо кавам пӧлеклыше кече. Тудым те, ача-авана, коча-кована-влак, мыланна  конденда. Лӱддымылыкда, патырлыкда, шке илышыштым чаманыде, немыч кашак ваштареш чот шогымыда мыланна – чапле пример, тендан лӱмда да подвигда шӱмешна эрелан возалтын.

Тений Россий Президент В.В. Путинын кӱштыкшӧ почеш Чап да Шарнымаш идалык семын  увертарыме. Республикысе марий тӱвыра рӱдерын эртарыме кажне гаяк тӱвыра да туныктыш меропрятийже тудын дене кылдалтын. Тыге ме кушкын шогышо самырык-влакым кугурак тукымым пагалаш, нунын сарзе да тынысле пашаште тыршымыштым аклаш туныктена.

Кажныдам волгыдо пайрем дене шокшын саламлена. Пеҥгыде тазалыкым, кужу ӱмырым, икте-весым пагалымашым, нимучашдыме пиалым тыланена.

Пайрем дене!

Республикысе марий тӱвыра рӱдерын коллективше.