Палем, авай, мый тыйын кумылетым,

Кунам куан шӱ-чоным авалта.

Эрдене кынелын, шинчаш ончалметым

Ом керт монден, шӱмемым ырыкта.

Припев:

Авай, мый пиалан улам,

Авай, кидетым шупшалам.

Авай, йӱкетым мый колам,

Авай, улат тый мыйын порсын кумылан.

Ласкан, шыман ӱпетым ниялталын,

Ик ошкылым ышташ тый полшенат.

Кас йӱдым икшыветым кидыш налын,

Эн ныжыл муро дене малтенат.

Припев: тудак – 2 гана.