«Филологий» шомак «мут деке йӧратымаш» семын кусаралтеш, вес возымаште тиде ойым «мутын йолташыже» манын кусарыме.

Филологын кечыжым йылмым, сылнымутым, историйым школ, кыдалаш да кӱшыл тунемме заведенийлаште туныктышо, студент, кусарыше, журналист, книгагудо пашаеҥ-влак палемдат. Писатель, поэт, артист-влакланат 25 ага – пайрем кече. Икманаш, йылмым пагалыше да аклыше кажне еҥ, кӧ шкенжым мутын йолташыжлан шотла, тиде кечым пайремла.

Пайрем дене, йолташ-влак! Калыкын поянлыкшым – йылмыжым, йӱлажым да эртыкшым – аралыме да вияҥдыме пашада тӱвыргӧ саскам пуыжо.