Ага тылзын 29-ше кечынже Уфа олаште Башкортостан Республикысе «Эрвел марий» калыкле–тӱвыра автономийым вуйлатыше Павел Исадыкович Бикмурзинын ӱмыржӧ кӱрылтын.
Пошкырт велне марий калыкын мер толкынжым у кӱкшытыш лукмаште П.И. Бикмурзинын надырже кугу. Финн-угор тӱняштат тудын лӱмжӧ кумдан палыме.
Павел Исадыкович Бикмурзинын ӱмыр лугыч лиймыжлан Республикысе марий тӱвыра рӱдерын пашаеҥже-влак ешыжлан, родо-тукымжылан чаманымашым каласат.
