Нуным Марий Элын калык поэтше Геннадий Сабанцев-Ояр, «Ямде лий» газетын директор-тӱҥ редакторжо Лидия Семенова, «Марий Эл» газетын туныктыш, шанче, сылнымут йодыш-влак дене редакторжо Галина Кожевникова акленыт.
Кельмаксола кыдалаш школын директорын воспитательный паша шотышто алмаштышыже туныктышыжо Рая Николаевна Рассолова, марий йылмым да сылнымутым туныктышо Ирина Валериановна Караваева «Митинг «Вуйнам савена» пашаже икымше вер дене палемдалтыныт.
Кокымшо верыш кок паша лектын. Тиде – «Эртыше сарын кочыжо» спектакль сынан концертлык сценарий (авторжо – Волжский районысо Пӧтъял тӱвыра пӧртын вуйлатышыже Надежда Ивановна Васканова) да «Тыныс илышын акшым шарныза!» сценарий (Параньга районысо Янгетсола тӱвыра пӧртын вуйлатышыже Эльвира Виссарионовна Захарова).
Кумшо верымат кок паша налын. Тиде – Волжск оласе 13-шо №-ан «Буратино» йочасадын кугурак воспитательже Елена Васильевна Семенован «Ме шарнен кодына тиде кечым» да Советский район Кадам тӱҥ школын марий йылме да литературым туныктышо Зоя Александровна Беляева «Шучко сарым сеҥен лектын калык!» сценарийышт.
Йошкар-Оласе 21-ше школышто марий йылмым туныктышо Оксана Николаевна Васениналан, У Торъял район рӱдӧ клуб системыште пашам ыштыше Роза Семеновна Соколовалан, Параньга район Янгетсола тÿвыра пӧрт пелен чумыргышо «Ший шымаш» ветеран клубын участникше Виталий Владимирович Морозовлан да Кужеҥер тӱҥ школын туныктышыжо Эльвира Николаевна Ивановалан таҥӱчашыш ушнымылан да йоча-влакым патриотизм шӱлышеш шуарымаште да марий йылме ден тӱвырам вияҥдымаште надырым пыштымыштлан таум ойла.
Сӱретче-влак йоча-влакын усталыкыштым акленыт
«Тек лийже кече» сӱрет конкурсым йоча-влак коклаште кок номинаций дене эртен. Чылаже 52 паша пурен. Тудо Марий автономийым ыштымылан 100 ий да Кугу Сеҥымашлан 75 ий теммылан пӧлеклалтын.
Йоча-влакын пашаштым туныктышо да сӱретче Андрей Семёнович Алексеев, сӱретче, Российысе художник-влакын усталык ушемжын йыжъеҥже Иван Александрович Богомолов да Калыкле президентский сымыктыш школын директоржын алмаштышыже Лариса Михайловна Новикова акленыт.
6 -10 ияш-влак коклаште сеҥыше-влак радамыш лектыныт:
1 вер – Анна Шубина, Куженер поселко;
2 вер – Полина Михеева, Куженер поселко;
3 вер – Виолетта Волкова, Шернур район, Лажъял школ.
10-15 ияш-влак коклаште сеҥыше-влак радамыш лектыныт:
1 вер – Анна Чернышева, Йошкар-Оласе 21-ше №-ан школ;
2 вер – Карина Павловских, Куженер поселко;
3 вер – Татьяна Фадеева, Куженер поселко да Валерия Пакалина, Звенигово район Красногорский поселкысо 2-шо №-ан школ.
Кажне войзымаш – илыш куаным ужын моштымо тат
Кумшо конкурс – «Тыныслыкын йочаже» фотоконкурс. Тушко 12 район да республикысе олала гыч 124 паша пуреныт.
Фотохудожник Петр Васильев, Республикысе марий тӱвыра рӱдерын общественность дене кылым кучышо пӧлкажым вуйлатышыже, Марий Эл Республикын тӱвыран сулло пашаеҥже Раисия Николаева, Республикысе марий тӱвыра рӱдерын культурно-массовый паша шотышто пӧлкажым вуйлатыше, Россий Федерацийын образованийын отличникше Людмила Кошкина паша-влакым ончен лектыныт.
Сеҥыше радамышке лектыныт:
гран-при – Ирина Русинова, Йошкар-Ола;
1 вер – Наталья Ямаева, Йошкар-Ола;
1 вер – Алена Толстова, Звенигово район;
2 вер – Людмила Семенова, Шернур поселкысо «Сказка» йочасад;
2 вер – Надежда Николаева, Йошкар-Ола;
2 вер – Галина Рублева, Параньга район, Усола ял;
3 вер – Иванова Лариса, Руэм кыдалаш школ;
3 вер – Тойшева Татьяна, Шернур район Купсола ял;
3 вер — Бастракова Эльвира, Советский район Ургакш поселко;
3 вер – Капитонова Раиса Трифоновна, Курыкмарий район Шиндыръял тӱвыра пӧрт.
