Тӱҥ Закон преамбул, 9 глава да 105 статья гыч шога.

Марий Эл Республикым Вуйлатыше А.А. Евстифеев марий кундемыште илыше-влакым Марий Эл Республикын Конституцийжым лукмылан 25 ий темме дене саламлен да палемден: «Республикыште илыше-влаклан тиде документысе кажне буква кугу акан. Тудын нормыж дене тӱжемле еҥын пӱрымашыже кылдалтын – Марий Эл Республикын Конституцийже нуным арала, полша да тунамак пеҥгыдын йодеш.

Тиде лӱмгече дате элыштына кугу событий – Россий Федерацийын Конституцийышкыже вашталтышым пурташ палемдымым сайлан шотлымо шотышто Россий мучко лийшаш йӱклымаш – дене келшен толмат палемдалт кодшаш. Ме чылан кӱлешан корным ойрен налшаш улына, тудо Российын да тушто илыше чыла еҥын пӱрымашышт палдырнышаш. Темыламш-влак республикын Тӱҥ Законыштыжо пеҥгыдемдыме гарантийым умбакыже вияҥден толмашке да регионысо илыш кӱкшытым палынак саемдымашке виктаралтыныт».