Всероссийский фольклор пайрем очный да заочный йӧн дене эрта. Заочный але онлайн йӧн дене вич площадке почылтеш. Тышеч нылытше – конкурс-влак. Тиде – «Кудо», Шокталте гармонетым», Эх, марий вате», «Мастар кид». Нуным видеопрезентаций почеш аклаш тӱҥалыт.
«Калык чон» концертланат видеопрезентацийым войзыман. Конкурслаш да концертыш ушнышо-влак войзымо видеопашаштым Марий тӱвыра рӱдерын mari-centr_konkurs@mail.ru электрон почтыш идым тылзын 22-шо кечыжын 18 шагат (моско жап дене) марте колтышаш улыт.
«Сылнымут унагудо» самырык да профессионал поэт, шке мурым возышо да мурышо- влакым уша.. Тудыжо 30-шо сентябрьыште «Мари» сийгудышто эрташ тӱҥалеш.
Всероссийский фольклор пайремын иктешлыше мероприятийже 1-ше октябрьыште Йошкар-Олаште эрта. Тиде кечын Марий калыкын 11-ше погынжо шке пашажым тӱҥалеш.
