Марий тӱвыра рӱдер Аван кечыжым пайрем кумылан конкурс-влакым эртара. Тений «Авамлан серыш» эссе-сочинений республикысе таҥӱчашым увертарен. Тудо ӱдырамаш да авам перегыме да еш коклаште чон кумыл кылым пеҥгыдемдымашке виктаралтын.
Таҥӱчаш паша-влак-влак ныл тӱрлӧ ийготан-влак коклаште аклалтыт: 9 гыч 12 ияш марте, 13 гыч 16 ияш марте, 17 гыч 20 ияш марте, 21 ий гыч кугурак марте.
Сочиненийым Марий Эл Республикын кугыжаныш (руш але марий) йылме дене возыман. Пашан кугытшо – 4 лаштык деч шуко лийшаш огыл. Эссем фотографий але сӱрет дене сӧрастараш лиеш.
Усталык пашам кылме тылзын 25 кечыже марте : mari-centr_konkurs@mail.ru – электрон почтыш колтыман.
Пурышо чыла паша Республикысе марий тӱвыра рӱдерын официал сайтыштыже да соцкыллаштыже савыкталтеш. Сеҥыше-влакын пашаштым республикысе рӱдӧ СМИ-влаклан савыкташ темлалатеш.
«Авамлан серыш» эссе-сочинений республикысе конкурсым Марий тӱвыра рӱдер «Саскавий» марий ӱдырамаш» мер ушем дене пырля эртара.
