Конкурсыш йочасадын воспитанникше, школышто, кыдалаш да кӱшыл профессионал туныктыш тӧнежлаште тунемше-влак ушнат. Таҥӱчаш кок номинацийыште ийготым шотыш налын эртаралтеш.

«Сылнымут («Литературный») номинацийыште участник-влак В. Колумбын да поэт нерген почеламут-влакым лудыт, тыгак поэтын почеламутшылан возымо муро-влакым йоҥгалтарат. Тыгак поэтын вес йылмылаш кусарыме почеламутшым лудыт. Шке возымо почеламутышт дене палдарен кертыт. «Сем йогын» («Музыкальный») номинацийыш ушнышо-влак марий поэтын возымыжлан келыштарыме, тыгак шкеныштын возымо мурым шергылтарат.

1-3-шо верлаш лекше-влак Морко районышто эртыше республик кӱкшытан «Колумб лудмаш» конкурсышто шке вийыштым тергаш тӱҥалыт.

Мероприятий 10 шагатлан тӱҥалеш.