Кодшо шуматкечын, 31 октябрьыште, «Марий касыш» Куженер районын «Мурсескем» ансамбльже концерт дене толын. Ансамбльын сылне мурышт, чолга куштымышт да мотор чиемышт касыш толшо уна-влакым моткоч куандарен. А артист-влакын семузгар дене устан шоктымышт чылалан пеш келшен.

Тиде кечын иктыланат йокрокланаш логалын огыл. Ныжыл вальс, весела Морко куштымаш, Волжский куштымаш, Урал сем кумылым эреак нолтеныт.