Ты конкурсышто икымше верыш «Лум курчак» лӱман паша дене Диана Москвина (вуйлатыше Н.Л. Ибраева, 49-ше №-ан йочасад) лектын, кокымшо верыш – «У ий оҥгыр-влак» дене Петя Инородцев (вуйлатыше Т.А. Матвеева, 49-ше №-ан йочасад), кумшо вер – «У ий шагат» дене Настя Амирова (вуйлатыше Р.Г. Смольникова, 49-ше №-ан йочасад).
«Сылне У ий чием» конкурсышто 90-ше №-ан йочасад гыч икшыве-влак (вуйлатыше Н.М. Масленникова) сеҥеныт: икымше вер- Софья Грязина, кокымшо вер — Лиза Темешева, кумшо dth- Кирилл Миллютин.
Палемдыман, конкурслаште эн ончыч марий сыным кучылмым шотыш налме.
Пайремын организаторже — Республикысе марий тӱвыра рӱдер, Йошкар-Оласе администрацийын тӱвыра управленийжын полшымо дене. Спонсор-влак: «Кугарня» газет редакций (директор — тӱҥ редактор Михаил Матвеев), «ОНА» фирме (директор Нина Орман).
