Фестиваль Кудымкар олаште да Архангельское селаште эртен. «Финн-угор калыкын сылнымутын вияҥмаштыже проблемыже да ончыклыкшо» йыргешке ӱстел эртыме годым калык поэт Г. Сабанцев кызытсе марий сылнымутын вияҥмыже нерген каласкален, а Г. Григорьев «Марий бард да автор-влакын муро» темым почын пуэн, шке возымо мурыжым мурен.

Палемдыман, Геннадий Владимировичым тыште сайын палат, кум гана сылнымут фестивальыште лийын, марий бард муро дене палдарен.