22-26 сентябрьыште Пермь оласе «Пермская ярмарка» ончер рӱдерыште Россий кӱкшытан тӱрлӧ калык иктылык форум (Всероссийский форум национального единства) эртаралтеш.  Тудын кышкарыштыже «Эл ӱмбак ончалтыш» («Взгляд на страну») фестиваль, «Россий регионлаште национальный политикым шыҥдарыме опыт да проект-влак» («Проекты и опыт реализации государственной национальной политики в регионах России») ончер-презентаций, Регионгокласе ярминга (Межрегиональная ярмарка промыслов и ремесел), «Илыше шӱртӧ» («Живая нить») музык ден кылдалтше программе конкурс, «Мый да Россий («Я и РоссиЯ») дискуссий подиум да тулеч моло лиеш. Мероприятий-влакын тӱҥ темыже — элыштына ик национальный политикым вийныктарымаш.

Форумышто мер да шанче пашаеҥ-влак, федерал да регионласе кучемын еҥже-влак лийыт. Мемнан кундем гыч тӱвыра, печать да калык кокласе паша шотышто министр Михаил Васютин, Республикысе марий тӱвыра рӱдерым вуйлатыше Наталья Пушкина, Мер каҥаш вуйлатышын алмаштышыже Елена Иванова каят.