18 октябрьыште Советский район Янгранур отышто Тӱня кумалтыш эртен. Тӱрлӧ регионлаште илыше марий калык шыже кумалтышыш лектын. Тышке воктел регионла гыч: Угарман да Киров кундем, Татарстан, умбач: Белоруссий, Москва ола, Башкортостан марий-влак погыненыт. Карт-влак ик шӱлыш ден вич тулолмо воктен юмыленыт, сай илышым йодын кумалыныт. Толшо калык вуйым савен, мо сай улмылан таум ыштен.