Фестивальыште 30 наре организаций лийын. Программе почеш, мер да творческий организаций-влакын ончер-презентацийыштым, тÿрлö секцийым, мастер-класс-влакым эртарыме.

Марий тÿвыра рÿдер пелен «Рвезылык» самырык-влакын мер организацийже пашам ышта. Тудо 16 ий наре марий самырык активист-влакым поро кумылан пашашке ушен. Фестивальышке рÿдер марий вургем, книга, альбом да тулеч молымат луктын, а пашаеҥ-влак презентацийыште гармонь почеш муралтеныт. Фестивальын унаже-влаклан тиде моткоч келшен.

Фестивальын участникше-влак: ВУЗ да СУЗ-ын студентше-влак, школышто тунемше-влак да волонтёр-шамыч.