22 февральыште Агрыз районысо Кӧлегеш школышто Шочмо йылмын тӱнямбал кечыжым кумдан палемдаш тӱҥалыт, «Зарница» модышат тунемше-влакын кумылыштым савыра.

24 февральыште тиде Кӱан Эҥер марий ялыште «Ӱярням» кумдан пайремлаш тӱҥалыт. Тыгак «Марий лыжня» спорт таҥасымаш индешымше гана эртаралтеш. Ий еда тудын статусшо кушкеш. Тений тудо тӱнямбал кӱкшытыш нӧлталтеш манаш лиеш. Тушко Татарстан Республикысе район ден ола-влак деч посна Пошкырт, Пермь кундемла гыч ечызе-влак толаш кумылыштым почыныт. Тыгак Болгарий ден Австрийыште илыше марий-влак тушко ушнаш шонат. «Татарстан Республикысе марий-влакын национально-культурный автономийышт» Регионысо мер организаций «Российысе марий-влак Федеральный национально-культурный автономий» Мер организацийын полшымыж дене мероприятий-влакым эртара. Кӧлегеш школ директор, Мер Канаш вуйлатышын оналмашыже О.А.Третьяковын вуйлатыме почеш марий меръеҥ-влакын тыршымыштлан кӧра яллаште да олалаште илыше марий-влакым «кынелтыме».

«Тӱвыра да спорт мероприятий-влак Марий калыкын икымше Погынжылан 100 ий темме да Агрыз районысо Туныктыш пӧлкам ыштымылан 90 ий темме лӱмеш эртаралтыт. «Марий лыжня» тӱрлӧ ийготан еҥ-влакым уша, еш-влак коклаштат таҥасымаш писе лийшаш. Тудын цельже – марий ешыште таза илыш-йӱла пеҥгыде оза лийже», — палемдыш Олег Александрович. Пайрем-влакым эртарыме нерген «Татарстан Новый Век» телекомпаний видеофильмым войзаш тӱҥалеш.