Йоча-влак, теат нунын семын семӱзгар дене шоктен муралташ кумылда уло гын, «Падыраш» фольклор ансамбльыш возалтса. Тушко 5 гыч кугурак ийготан икшыве-влакым налыт.

 — Марий калыкын муро тӱвыраже, йӱлаже негызеш йоча-влакым туныктена, — палемдыш коллективым вуйлатыше Эльвира Васильевна, — Семӱзгар дене шокташ тунемыт. Калыкнан йӱла пайремже-влакым муро да куштымаш гоч палдарен шогена. Мутат уке, сценыште шкем кучаш тунеммат икшыве-влаклан варажым калык коклаште пеҥгыде лияш туныкта.

Ача-ава, йоча-влак дене вашмутланымаш тӱвыра рӱдерыште 17 сентябрьыште 17 шагатлан лиеш. Пагален вучена!