У тунемме ийым тӱҥалме чын дате 20-шо курым кумлымшо ийла марте лийын огыл 1935 ийыште Совнарком 1 сентябрьыште у тунемме ийым тӱҥалме жапым палемден.

Республикысе марий тӱвыра рӱдер тунемше ден туныктышо-влакым Шинчымаш кече дене уло кумылын саламла. Рӱдер школ да ола ден районласе туныктымо пӧлка-влак дене пырля ятыр мероприятийым эртара. Ӱшанена, тиде кылна эшеат пеҥгыде лиеш, тунемше-влакым шочмо йылмым да тӱвырам, марий калыкнан йӱлажым арален да вияҥден колтымаште пашана вораҥеш.

Шинчымаш кече дене! Шинчымаш аланыш корныда пиалан лийже!

Пайрем дене тыгак Марий тӱвыра рӱдер пеленысе «Падыраш» фольклор, «Юкече» вокал, «Онар» йоча куштышо, Йошкар-Оласе 2-шо номеран школ пеленысе «Шӱшпык» фольклор ансамбль-влак да Советский районысо Ӱшнӱр кыдалаш школын тунемшыже-влакын саламлат. Тыланда, тунемше ден туныктышо-влак, – нунын сылне муралтымышт да кушталтымышт.