Йӱла почеш Марий кас шке тургымжым Кугече пайрем дене мучашлыш. Пайремышке Параньга район Олор кундемын «Кас ӱжара» фольклор ансамбльже толын. Тудо марий йӱла почеш «кинде авызлымаш» йӱлам ончыктыш, погынышо калыклан шке мурсем пӧлекшым пӧлеклыш да тутло марий кочкыш дене сийлыш.

Марий калык ты кечын моткоч куатлын да пайдан жапым эртарыш, вет Марий кас нунын дене шыже марте чеверласен. Амалжат уло: калыкна пашам йӧратыше улеш, а шошо толмо дене пакча да сад паша ятыр лектеш, веселитлаш жап чӱдӧ лиеш.

Кажне тургым мучашлыме годым иктешлымашым ыштат. Марий касыштат тиде оҥайын эртыш. Амалкалче Виктор Наумов спонсор семын Марий касыште икмыняр еҥлан пӧлекым кучыктыш. Эн илалше да кажне касыш коштшылан, эн самырык еҥлан да эн чулым фолькор ансамбльлан. Кажныжлан чай сервиз пӧлеклалте.

Пайрем касыште вӱдышӧ (Галина Ласточкина) погынышо калыкым Кугече пайрем ойыртем, пайремлан келшыше модыш да пале дене палдарен. Кас оҥайын эртен.

Фотошто «Чон оҥгыр ансамбль» — эн чулым фольклор ансамбль номинацийыште сеҥыше.