Марий Элна тиде кечын кугыжанышым налме пайремжым палемда. Тений В.И. Ленинын да М.И. Калининын «Об образовании автономной области марийского народа» декретыш кидпалыштым пыштымылан 101 ий темеш. Марий калыкын автономный областьшым ыштымылан икымше кугу пайрем 1921 ий 1 мартыште эртаралтын.

1936 ий 5 декабрьыште Марий автономный областьым Марий АССР-ыш савырыме, а Совет-влакын чрезвычайный XI съездше, республикын Конституцийжым приниматлымым шотыш налын, пайремым 21 июньыш кусарен.

1960 ий гыч Марий Элын шочмо кечыжым 4 ноябрьыште, В.И. Ленинын да М.И. Калининын «Об образовании автономной области марийского народа» декретыш кидпалым пыштыме кечын, палемдалтеш.

Пайрем дене, йолташ-влак! Еш, пошкудо-влак дене икой дене, ваш-ваш полшен, икте-весым переген илаш тыланена. Пырля улына – виян лийына, вет пырляште – вий. Тазалыкдам аралыза, илыш кучемда пеҥгыде лийже.