Таҥасымаш Марий Эл Республикыште калык-влак кокласе кылым пеҥгыдемдымашке виктаралтын. Тушко марий кундемысе калыкле-тӱвыра автономий ден ушем-влак ушнат.

Марафон кум тур дене эрта, кажне турын – шке темыже: 1-ше – «Лӱмлӧ еҥ-влак», 2-шо – «Сылнымут да йылме», 3-шо – «Йӱла да традиций». Кажне турышто команде-влак 10 йодышлан вашмутым пуат.

Уш-акыл модмашым Марий Эл Республикын тӱвыра, савыктыш да калык-влакын пашашт шотышто министерствын полшымыж дене Республикысе марий тӱвыра рӱдер эртара.