Марий тиште кечын тыгай сынан мероприятийым эртарымаш – шочмо марий йылме деке йоча-влакым шӱмаҥден шогымаште тыршыше туныктышо ден воспитатель-влакым чапландарымаш.
Заседаний жапыште этнокультур тематике дене электрон туныктымо ресурсым ямдылыше туныктышо-влак коклаште республик кӱкшытан конкурсым иктешлат. Конкурсышто сеҥыше туныктышо-влак шке пашашт дене палдарат.
Усталык апшаткудышто икмыняр туныктышын паша опытышт дене палыме лийыт.
Мероприятий 10 декабрьыште Марий кугыжаныш филармонийын актовый залыштыже эртаралтеш, 12.30 шагатлан тӱҥалеш.
Мероприятийыш QR-код, ПЦР-справке але метотвод улмо шотышто справке дене пуртат.
