Кугыжаныш кечын «Мунло» уш-акыл марафоным эртарымаш поро йӱлаш савырнен. Тудым марий тӱвыра рӱдер эртара. Тений тиде модмашыш куд команде ушна. Командым марий меръеҥ, журналист, районласе туныктышо ден тӱвыра пашаеҥ-влак чумыреныт.

Модмаш кум тур дене эрта. Кажныштыже лу йодыш гыч улыт. Йодыш-влак марий йылме, сылнымут да йӱла дене кылдалтше лийыт.

Модмаш 10 декабрьыште Марий кугыжаныш филармонийын фойештыже эрта. Модмаш 16 шагатлан тӱҥалеш.

Мероприятийыш QR-код, ПЦР-справке але метотвод улмо шотышто справке дене пуртат.