Тудым регионышто НКА-м ыштымылан 10 ий теммылан да Марий тиште пайремым эртарыме кечылан пӧлекленыт. Мероприятий онлайн йӧн дене, марий йылме дене эртарыме.

Мероприятийын пашаш Татарстан кундемлаште почмо мер ушемым вуйлатыше, тале марий активист-влак ушненыт. Тыгак онлайн-вашлиймашын унаже Татарстан Республик президентын внутренний политике йодыш дене департаментшым вуйлатыше Данил Мустафин, Марий Оньыжа Эдуард Александров, Российысе марий-влакын федерал калыкле-тӱвыра автономийын исполнительный директоржо Наталья Пушкина лийыныт.

Регион кӱкшытан НКА-м вуйлатыше Олег Третьяков, верласе НКА-м вуйлатыше-влак 10 ияш мер сомылышт дене палдареныт, 2022 ийлан паш планым пеҥгыдемденыт.

«Марий тиште» Кугыжаныш пайремын шочмыжо, вияҥмыже нерген Озаҥыште илыше марий шанчызе Руслан Бушков каласкален.