Поро йӱлаш Марий Ӱярням йоча-влаклан эртарымаш пурен. Калык йӱла пайрем 2014 ий гыч республикын районлаштыже эрта. Тений шошым кондышо чевер Ӱярня онлайн йӧныш куснен: кодшо ийысе семын курык гыч издер, ватрушко, кӱнчылавондо, шӱштанъече дене, ӱярнякашташте тӱшкан мунчалтымаш огеш лий. Но тиде да вес татым йоча-влак конкурслаште ончыктен кертыт.

«Ӱярня пайрем дене!» открытке, «Ӱярня мелна-2022», «Ӱярня кува» конкурс-влакым увертарыме. Тыгак «Ӱярня» калык ӥӱла пайремым театрализованно модын ончыктышаш улыт. Открытке-влакым фотографироватлен, конкурс-влакын заданийыштым видеош посна войзен налын, 1 март марте mari-centr_konkurs@mail.ru электрон адресыш колтыман.

Конкурслаште сеҥыше-влакым диплом дене палемдат, пӧлекым кучыктат.

«Ӱярня» республикысе онлайн-конкурсын Положенийжым mari-centr.ru сайтыште вераҥдыме.