Тудо 21-ше пургыжышто Марий кугыжаныш университетын Калыкле тӱвыра да тӱвыра кокласе коммуникаций институтышто лиеш. Кокымшо ий фествиаль офлайн да онлайн йӧн дене эртаралтеш. Тидыже вес калыкын йылмыже, тӱвыраже, йӱлаже дене палыме лияш шукырак еҥым ушен кертеш. Молан манаш гын мероприятий ZOOM платформылан эҥертен эртаралтеш. Кажне йылмын шке адресше лиеш. Марий кугыжаныш университет кок йӧн денат пашам ышташ ямде. Тыгак Марий тӱвыра рӱдерынат технический йӧнжӧ уло.

Фестиваль Юл воктене верланыше республикылаште илыше татар, одо, марий, руш, мордва калык-влакын илыш-йӱлашт, йылме ойыртемышт дене палдара. Азийыште, Европышто да Африкыште илыше калык-влакынат йылмышт йоҥгалтыт. Презентатор-влак 24 калыкын йылмыже дене палымым ыштат. Йодмаш-влак школышто тунемше ден туныктышо, вузласе преподаватель да аспирант, студент-влак деч пурен.