2015 ий 21 мартыште «Марий касыште» «Эркече» у группо лиеш.

«Эркече» у группышто — кок гитарист (Геннадий Григорьев ден Геннадий Куклин), баянист да марий мурызо Лариса Сидоркина. Нуно XXкурымышто (тӱҥ шотышто 70-80-ше ийла) чот чапланыше да тачат чонлан келшыше ныжыл муро-влакым йоҥгалтарат. Да, кӧ ок шарне нине мурым: «Пеш шуко, пеш шуко», «Молан тудо тыгай, «Автобус вашка шочмо ялыш», «Канде шинча», «Тый улат», Йӱр йӱреш», «Ер ӱмбалне», «Изи годсо сем», «Шочмо ялыш корно» да моло сылне мурымат.

Тиддеч посна артист-влак у муро-влакымат ямдылат.