Кушкыжмо —  Пел кон кече. Сурт коклаште чыла куштырам эрыктен луктын, мончаш пуреныт, тоштыеҥымат ўжыныт, осал вий деч аралалтмашым ыштеныт.

Вӱргече — Кон кече, Тоштымарий кече, Кечыла вӱргече. Тоштыеҥым ушташ ямдылалтме кече. Тунам  ойӧрем чот эскереныт.

Изарня –  Сорта чӱктыш кече. Сорта кече родо-тукым дене погынен тоштыеҥым уштеныт да ужатеныт.

Кугарня — Марий Кугече, Кугу кон кече. Пайремлымаш, юарлымаш кече.

Рушарня – Кугече рушарня. Юмо волымо кече. Шелык кумалтыш. Юмым пелештен, чиялтыме муным кочкыныт

Шочмо — Ташлама йӱмаш. Юмо кӱзымö кече. Шошо кумалтыш пагыт почылтеш.