Галина Евгеньевна Шкалина, культурологий шанче доктор, профессор, «Тумо гай пеҥгыдемын кушкаш» докладым ыштен. «Марий Эл Республикын калык мастарже» сулло лӱмым сулен налше Ираида Александровна Степанова марий тӱрын символжо дене палдарыш, нуно мом ончыктат, аралтыш вийышт могае – раш умылтарыш.
А кидмастар-влак яллаштат, олаштат илат, тӱрлӧ профессийыште шкеныштым муыныт, но юмо пуымо мастарлык апшаткудыштланат жапым муыт: тӱрлат, пидыт, шун гыч арверым нӧнчат, пу дене «модыт», картинке гай пӧртымат чоҥат, пӧрт кӧргымат сӧрастарат.
Таҥӱчаш сынан конференцийыште тӱрлӧ ийготан тунемше-влакын да ик туныктышын 10 пашаштым аклыме.
11 гыч 14 ияш-влак коклаште шымлымаш паша-влакым тыге аклыме:
— 1 верыш Советский район Роҥго кыдалаш школын тунемшыже Софья Таныгина «Кидмастарын товаржат – модыш дене иктак» презентацийже дене лектын. Шымлымаш пашажым Софья селасе кидмастар, сурт-печым, моло сурт арверым шке гыч технологийым шонен луктын ыштыше Сергей Михайлович Семеновлан пӧлеклен, презентацийжым видеоэпизод дене сӧрастарен, кидмастар нерген почеламутым серен.
С. Таныгиналан пашажым виктараш Семенова Алевтина Александровна ден Александрова Людмила Владимровна полшеныт.
— 2 верыш Советский район Ӱшнӱр кыдалаш школын тунемшыже Мария Петрова «Шун дене чапле арверым ненча» презентацийже дене лектын. Тудым ты туныктымо тӧнежыште ешартыш шинчымашым пуышо туныктышо Владимир Геннадьевич Окуневын илыш да паша кӱкшытшым почын пуымо. Вуйлатышыже-влак – Васильева Антонида Васильевна, Беляева Людмила Николаевна.
— 3 верыште – Марий Турек район Совет Ушем Герой С. Суворов лӱмеш Сысоево кыладаш школын тунемшыже Карина Тихонина.
Ӱдыр шке пашажым марий тӱрлызӧ Зоя Поликарповна Михеевалан пӧлеклен. Вуйлатышыже – марий (кугыжаныш) йылмым, руш йылмым да литературым туныктышо Эльвира Леонидовна Смоленцева.
15 гыч 18 ияш тунемше-влак коклаште сеҥыше радамыш логалыныт:
— 1 верыште – Волжский район Кугу Корамас кыдалаш школын тунемшыже-влак Дарья Семенова, Анастасия Михайлова, Ольга Кузнецова.
Ӱдыр-влак школын туныктышыжо, уста кидмастар, «Чоткар тукым» шарнымаш комплексым чоҥымаште надырым пыштыше, Юлсер кундемын онаеҥже Аркадий Алексеевич Федоров нерген возеныт.
— 2 верыште – Куженер район Коҥганур кыдалаш школын тунемшыже Юлия Горохова. Тудо «Тӱрем тӱрлен, чонем луштарем» пашажым Кугу Тумньымучаш ялыште илыше, кидпашалан шӱман ӱдырамаш Надежда Андреевна Блиновалан пӧлеклен. Презентацийым возаш Ю. Гороховалан туныктышыжо Галина Степановна Горохова полшен.
— 3 верыште – Советский район Ӱшнӱр кыдалаш школын тунемшыже Татьяна Дмитриева.
«Чон куаным тыге шочыктем»» пашажым Татьяна кидмастар Галина Николаевна Волкован илыш корныжо да пашажлан пӧлеклен. Презентацийым ямдылаш марий йылмым да литературым туныктышо Зинаида Александровна Волкова полшен.
Тыгак конференций жапыште марий дизайнер, тӱрлызӧ Евгения Кошкина нерген поян материалым Волжский район Памар кыдалаш школын тунемшыже-влак Екатерина Александрова ден Карина Тихонова (вуйлатыше – Наталья Ивановна Яковлева) погеныт.
Морко район Купсола тӱҥ школын тунемшыже-влак Диана Григорьева ден Наталья Токунова «Кидмастар паша» презентацийыште Кугу Шале велыште илыше кидмастар-влакым да нунын пашаштым шымленыт. Вуйлатыше – Галина Николаевна Сергеева.
Советский район Кельмаксола кыдалаш школын тунемшыже-влак Дана Актанаева ден Диана Павлова «Мастар кидан туныктышем» пашаштышт Рая Николаевна Рассолова нерген возеныт.
Шернур районысо Совет Ушем Герой А.М. Яналов лӱмеш 1-ше №-ан кыдалаш школын тунемшыже Дмитрий Веденькин «Сымыктыш тӱняшке йолгорно» презентацийжым Чылдемыр ялысе кидмастар Алексей Григорьевич ден Светлана Ивановна Садовинмыт пашаче еш нерген каласкален.
Марий Турек район Арбор кыдалаш школын туныктышыжо Татьяна Буркова «Ака ден шӱжар – кидмастар марий талешке» пашаштыже тӱрлызӧ-влак Таисия Яковлевна Зыкина ден Мария Яковлевна Васильевалан пӧлеклен.
Сеҥыше-влакым диплом да шергакан приз, участник-влаклан сертификатым да пӧлек дене палемдыме.
