Тудым лукмаште Марий тӱвыра рӱдерын пашаеҥже-влак тыршеныт, молан манаш гын тудым Марий йылмын национальный корпусшо негызеш ямдылыме, а тудым рӱдерын пашаеҥже-влак икмыняр ий погеныт, 20 миллион утла мутым погеныт.

Мутерым ямдылымаште институтын шымлызыже, филологий шанче доктор, профессор Л.А. Абукаева, шымлыше да компьютер лингвист А.В. Чемышев, Марий тӱвыра рӱдерын пӧлкажым вуйлатыше А.А. Митрускова тыршеныт.

Мероприятийыште марий прозаик, поэт-влак лийыныт. Нунын возымо ойышт, посна предложенийышт мутерыш пуреныт. Мут толмашеш, Альбертина Иванова ончыл верыште: 88 ой-савыртышыже мутерым пойдара.

Возышо-влаклан сертификатым кучыктымо.