Конкурсыш йочасадын воспитанникше, школышто, кыдалаш да кӱшыл профессионал туныктыш тӧнежлаште тунемше-влак ушнат. Таҥӱчаш кок номинацийыште ийготым шотыш налын эртаралтеш.

«Сылнымут («Литературный») номинацийыште участник-влак В. Колумбын да поэт нерген почеламут-влакым лудыт, тыгак поэтын почеламутшылан возымо муро-влакым йоҥгалтарат. Поэтын вес йылмылаш кусарыме почеламутыштым лудын кертыт. Тыгак конкурсант шке возымо почеламутшо дене палдарен кертеш.

«Сем йогын» («Музыкальный») номинацийыш ушнышо-влак марий поэтын возымыжлан келыштарыме, тыгак шкеныштын возымо мурыштым шергылтарат.

Йодмашым ага тылзын 13 кечыже марте mari-centr_konkurs@mail.ru электрон адрес дене колтыман. Лекше йодышым 8(8362) 45-88-51 телефон дене йыҥгырташ лиеш.

1-3-шо верлаш лекше-влак Морко районышто эртыше республик кӱкшытан «Колумб лудмаш» конкурсышто шке вийыштым тергаш тӱҥалыт.